Jo Gomes "Tottenxem" bilan o'ynamaydi

 18 DEKABR, 2025, 15:54

"Liverpul" himoyachisi Jo Gomes Premer-liganing navbatdagi turida "Tottenxem"ga qarshi o'yinda jamoasiga yordam bera olmaydi. Bu haqda jurnalist Jeyms Pirs ma'lum qildi.

Manbaga ishonadigan bo'lsak, Gomes jarohati sabab "shporlar"ga qarshi o'yinni o'tkazib yuboradi. Biroq, ta'kidlanishicha, u "Brayton"ga qarshi o'yinning birinchi bo'limida olgan tizza osti payidagi jarohat jiddiy bo'lmagan.

Joriy mavsumda 28 yoshli Gomes barcha musobaqalarda 12 ta uchrashuvda maydonga tushib, 2 ta assistni o'z hisobiga yozdirib qo'ydi.

20 dekabr, shanba kuni "Liverpul" safarda "Tottenxem" mehmoni bo'ladi.