"Tarixiy yutuq": "PSJ" rahbari navbatdagi chempionlikka izoh berdi

 18 DEKABR, 2025, 12:12

Frantsiyaning "PSJ" klubi prezidenti Nosir Al-Helayfiy 2025 yildagi navbatdagi chempionlik qo'lga kiritilganiga izoh berdi. Parij grandi qit'alararo kubok o'yinida Braziliyaning "Flamengo" jamoasini mag'lub etdi.

"PSJ" yilni Qatarda zafar bilan boshladi va shu erda g'alaba bilan yakunlamoqda. Bu aql bovar qilmaydi. Oltita sovrin yutib oldik. Parij klubi uchun bu tarixiy yutuq. Hamma juda mamnun. Biz o'z o'yinimiz bilan faxrlanamiz," - deya klub prezidentining so'zlarini keltiradi RMC Sport.

Kechagi bahsda Parij jamoasi 11 metrlik zarbalar seriyasida "Flamengo"ni mag'lub etdi. Uchrashuvning asosiy vaqti 1:1 hisobida yakunlandi, penaltilar bo'yicha esa parijliklar aniqroq bo'ldi - 2:1.