Zlatan Ibrahimovichning o'g'li Italiya superkubogi doirasida «Milan» safida o'ynashi mumkin

 17 DEKABR, 2025, 14:48

«Milan» bosh murabbiyi Massimiliano Allegri 19 yoshli Maksimilian Ibrahimovichni Italiya superkubogi turniri uchun jamoa qaydnomasiga kiritdi.

Shuningdek, «Milan» tarkibiga «Milan Futuro»dan 20 yoshli Matteo Dutu va 17 yoshli Valeriy Vladimirov, yoshlar jamoasidan esa 18 yoshli Emanuele Sala hamda 17 yoshli Emanuele Borsani ham qo'shildi.

Jarohat olgan Santyago Ximenes va Matteo Gabbiya jamoa bilan Saudiya Arabistoniga uchib bormaydi.

Italiya Superkubogi yarim finalida «Milan» «Napoli»ga qarshi maydonga tushadi — uchrashuv payshanba, 18 dekabr kuni bo'lib o'tadi. Final esa dushanba, 22 dekabr kuniga belgilangan.