Xavi "Tottenxem"ga shart qo'ydi

 17 DEKABR, 2025, 14:00

Xavi Ernandes qaysi vaziyatda Londonning "Tottenxem" klubini boshqarishi mumkinligi ma'lum bo'ldi.

Xabarlarga ko'ra, agar "shporlar" rahbariyati uni klubda ko'rishni istasa, "Barselona" tarbiyalanuvchisi hisoblangan "Los-Anjeles Gelaksi"ning 26 yoshli markaziy yarim himoyachisi Riki Puchni sotib olishi kerak. Xavining fikricha, "Tottenxem" maydon markaziga kreativ futbolchi kerak. Bundan tashqari, Xavi Gavini Londonda ko'rishni istamoqda, ammo u "Barselona" uni sotmasligini tushunib turibdi.

Ayni paytda "Tottenxem" bosh murabbiyi Tomas Frank bo'lib, u jamoani joriy mavsum boshida qabul qilib olgan. "Shporlar" 16 turdan so'ng Premer-ligada 22 ochko bilan 11-o'rinda bormoqda.