Jiddiy noroziliklar foyda berdi: FIFA JCh o'yinlari uchun chiptalarning arzon toifasini joriy qildi

 17 DEKABR, 2025, 00:42

FIFA JCh-2026 chiptalari narxi yuqoriligi sababli tanqidlar to'lqiniga munosabat bildirdi. Xalqaro futbol federatsiyasi turnirning har bir o'yini uchun 45 funtlik chiptalarning yangi toifasini chiqardi.

Avvalroq, Futbol ishqibozlari assotsiatsiyasi muxlislar guruhlari FIFA bilan narx siyosati bo'yicha muzokaralar olib borishi uchun chiptalar savdosini to'xtatishni talab qilgan edi. Eslatib o'tamiz, JCh-2026 finaliga "byudjet toifasi"da chiptalar narxi 4185 dollardan boshlanadi.

Yangi toifadagi chiptalar turnirning 104 ta o'yinining har biri uchun umumiy kvotaning 10 foizini tashkil etadi. Har bir mamlakatga stadion sig'imining 8 foizi miqdorida kvota ajratiladi.