"Borussiya" Dortmund yulduzi qiz do'sti sabab jamoani tark etadi

 16 DEKABR, 2025, 17:54

Dortmundning "Borussiya" klubi vingeri Karim Adeyemi qiz do'sti tufayli klubini tark etadi.

Bild nashrining yozishicha, futbolchining hamrohi va taniqli reper Loredana Sefi sanoatlashgan Dortmundda yashashdan zerikkan. Aynan shu tufayli shveytsariyalik qiz Adeyemidan kelajakda jamoasini o'zgartirishni so'radi, chunki u Evropaning yirik shahrida yashashni xohlaydi.

Manbaning ta'kidlashicha, Adeyemi qizning talablariga mos keladigan yangi klub topish uchun allaqachon agentini almashtirgan. O'tgan yilning noyabr oyida Karim o'tishi mumkin bo'lgan uchta jamoa nomi ma'lum qilingandi.

U joriy mavsumda "Borussiya" safida oltita gol va beshta golli uzatmaga mualliflik qilgan.