"Real" Braziliya klubidan iqtidorli vingerni 50 million evroga sotib olmoqchi

 16 DEKABR, 2025, 13:54

"Real" "Vasko da Gama" vingeri Rayanni nishonga oldi.

Ta'kidlanishicha, Madrid grandi transfer uchun 50 mln evro sarmoya kiritishga tayyor. Shuningdek, futbolchining xizmatlariga "Arsenal", "Chelsi", "Barselona" va "Inter" klublari ham qiziqish bildirmoqda.

OAVning yozishicha, avvalroq Rayan transferi bo'yicha "Zenit" faol ish olib borgan. Nevaliklar futbolchi uchun 30 mln evro to'lashga tayyor edi. Ammo "Vasko" taklifni rad etishga qaror qildi.

Braziliya chempionatining o'tgan mavsumida vinger 34 ta o'yinda maydonga tushib, 14 ta gol urdi va to'rtta golli uzatmani amalga oshirdi.