«Real» sobiq sardori Nacho jamoaning hozirgi vaziyati haqida o'z fikrlarini bildirdi

 15 DEKABR, 2025, 12:36

Madridning "Real" klubi sobiq himoyachisi Nacho Fernandes jamoaning hozirgi holati haqida fikr bildirdi.

Ispaniyalik futbolchi 2024 yilning iyulida "qaymoqranglilar" safini tark etib, Saudiya Arabistonining "Al-Qodisiya" klubiga o'tgandi.

"Real"ga maslahatim? Sabr-toqat va xotirjamlikni saqlash kerak. O'ylashimcha, ularning tarkibi ajoyib, murabbiy esa jamoaga juda mos. Agar xotirjamlikni saqlasangiz, hammasi yaxshi bo'ladi," - deya Nachoning javobini keltiradi Madrid Xtra.

Madridliklar yakshanba kuni La Liga 17-turida safarda "Alaves"ni mag'lub etdi (2:1). Ayni damda Xabi Alonso jamoasi "Barselona"dan 4 ochko ortda qolib, musobaqa jadvalida 2-o'rinni egallab turibdi.