Valensiyadagi kuchli yomg'irlar sabab La Liga uchrashuvi qoldirildi

 15 DEKABR, 2025, 11:18

La Liganing 16-turi doirasida «Levante» va «Vilyarreal» o'rtasidagi uchrashuv qoldirildi. Bu haqda Ispaniya chempionati matbuot xizmati xabar berdi.

Uchrashuvning qoldirilishiga Valensiyadagi kuchli yomg'irlar bilan bog'liq noqulay ob-havo sharoiti sabab bo'ldi.

O'yin 14 dekabr kuni Toshkent vaqti bilan soat 22:30 da o'tkazilishi rejalashtirilgan edi. Uchrashuvning yangi sanasi va vaqti keyinroq ma'lum qilinadi.

Ayni paytda «Vilyarreal» 35 ochko bilan La Liga turnir jadvalida uchinchi o'rinni egallab turibdi, «Levante» esa 9 ochko bilan so'nggi — 20-o'rinda joylashgan.