Valdepenyas asr boshidan buyon "Real" himoyachilari orasida uchinchi eng yosh debyutant hisoblanadi

 15 DEKABR, 2025, 09:00

Viktor Valdepenyas Madridning "Real" klubi safida ilk o'yinini o'tkazdi. Kechagi "Alaves"ga qarshi bahsda (2:1) chap qanot himoyachisi asosiy tarkibda maydonga tushdi.

Opta xabariga ko'ra, himoyachilar orasida faqat Rafael Varan (18 yosh-u 149 kun) va Ashraf Hakimiy (18 yosh-u 331 kun) asr boshidan buyon La Liga doirasida "qaymoqranglilar" safida yanada yoshroq holatida debyut qilgan. Valdepenyas hozir 19 yosh-u 55 kunlik, ilgari uni hatto qaydnomaga ham kiritishmagandi.