Gvardiola "Manchester Siti" himoyachisi haqida fikr bildirdi

 15 DEKABR, 2025, 08:36

"Manchester Siti" bosh murabbiyi Xosep Gvardiola jamoasi himoyachisi Ruben Diash haqida fikr bildirdi.

"Ruben Diash - aql bovar qilmaydigan etakchi! Barqaror, deyarli jarohat olmaydigan, jamoadoshlarini qanday boshqarishi, gapira olishi - bu biz uchun uzoq yillar davomida ajoyib yutuqdir! U haqiqiy sardor, ajoyib etakchi," - dedi Gvardiola.

Diash 2020 yilning sentyabrida "Benfika"dan "Manchester Siti"ga o'tgan edi. Joriy mavsumda futbolchi klub safida Angliya chempionatida 16 ta o'yinda maydonga tushib, 2 ta gol urgan. Shuningdek, uning hisobida Chempionlar Ligasida beshta o'yin bor.