Xabi Alonso "Real"ning 19 yoshli debyutantiga baho berdi

 15 DEKABR, 2025, 08:24

Viktor Valdepenyas "Real"ning asosiy jamoasi safida debyut o'yinini o'tkazdi.

19 yoshli chap qanot himoyachisi "qaymoqranglilar" safida yakshanba kuni La Liga doirasida "Alaves"ga qarshi bahsda asosiy tarkibda maydonga tushdi va 78-daqiqada zaxiraga olindi.

Uchrashuv Madrid grandining 2:1 hisobidagi g'alabasi bilan yakunlandi.

"Valdepenyasni debyuti va ajoyib o'yini bilan tabriklamoqchiman. U doimo yaxshi edi. Afsuski, uning yagona xatosi gol o'tkazib yuborilishiga sabab bo'ldi, ammo qolgan epizodlarda u o'zini ajoyib tarzda ko'rsatdi," - dedi matbuot anjumanida bosh murabbiy Xabi Alonso.