"Tottenxem" "Atletiko" xavbekiga ko'z tikdi

 14 DEKABR, 2025, 18:54

Angliyaning "Tottenxem" klubi Madridning "Atletiko" klubi 22 yoshli yarim himoyachisi Pablo Barriosni kuzatib bormoqda. Bu haqda Fichajes nashri xabar berdi.

Insayderlarning yozishicha, "shporlar" futbolchi uchun "matraschilar"ga 70 mln evro taklif qilgan. Biroq futbolchining shartnomasida 120 mln evro miqdorida tovon puli ko'rsatilgan. Shuningdek, Barriosni "Liverpul" va "Chelsi" ham kuzatib bormoqda.

Pablo Barrios butun faoliyati davomida "Atletiko" sharafini himoya qilib kelmoqda. Ushbu mavsumda yarim himoyachi klub safida 22 ta o'yinda maydonga tushib, 1 ta gol urdi va 2 ta golli uzatmani amalga oshirdi.