Shevchenko Ukrainadan yana «Oltin to'p» sohibi chiqishiga ishonmoqda

 14 DEKABR, 2025, 12:18

Kievning "Dinamo", "Milan" va Ukraina terma jamoasining sobiq hujumchisi, hozirda Ukraina futbol assotsiatsiyasi rahbari Andrey Shevchenkoning fikricha, kelajakda uning hamyurtlaridan biri "Oltin to'p" sohibiga aylanadi.

"21 yil oldin "Oltin to'p" sohibiga aylandim. Mukofotga sazovor bo'lgan uchinchi ukrainalik bo'lish men uchun katta sharaf. Vaqti kelib, Ukraina dunyoga to'rtinchi "Oltin to'p" sohibini taqdim etadi," - deyiladi Shevchenkoning ijtimoiy tarmoqdagi xabarida.

Eslatib o'tamiz, Shevchenkodan tashqari, ukrainalik afsonaviy hujumchilar Oleg Bloxin va Igor Belanov ham "Oltin to'p" sohibiga aylangandi.