Alonso "Real"ning barcha yulduzlarini birdaniga hujumda maydonga tushirishga qaror qildi

 14 DEKABR, 2025, 11:42

Madridning "Real" klubi yakshanba kuni bo'lib o'tadigan "Alaves"ga qarshi La Liga safar uchrashuviga tayyorgarlik ko'rmoqda. Ushbu o'yin bosh murabbiy Xabi Alonso uchun oxirgisi bo'lishi mumkin - u ishdan bo'shatilishi mumkin. Diario AS xabariga ko'ra, ispaniyalik murabbiy tavakkal qilishga va bir vaqtning o'zida Kilian Mbappe, Vinisius Junior, Rodrigo va Jud Bellingemni asosiy tarkibda maydonga tushirishga tayyor.

Uchrashuv Toshkent vaqti bilan 01:00 da boshlanadi. Ayni vaqtda "qaymoqranglilar" turnir jadvalida peshqadam "Barselona"dan bitta zaxira o'yini bilan 7 ochko ortda qolib, 2-pog'onani egallab turibdi. Shanba kuni kataloniyaliklar "Osasuna"ni mag'lub etishga muvaffaq bo'lishdi (2:0).