Braziliya terma jamoasi Anchelottiga Jahon chempioni bo'lsa, katta bonus va'da qildi

 13 DEKABR, 2025, 20:30

Braziliya futbol federatsiyasi terma jamoa bosh murabbiyi Karlo Anchelotti bilan hamkorlikni davom ettirish bo'yicha muloqot olib bormoqda.

Globo xabariga ko'ra, rahbariyat italiyalik mutaxassisga 2030 yilgacha jamoada ishlash imkonini beruvchi uzoq muddatli shartnoma variantini ko'rib chiqmoqda. Amaldagi shartnomaga ko'ra, Anchelotti yiliga taxminan 10 million evro maosh oladi.

Yangi kelishuv loyihasida qo'shimcha rag'batlantirish ko'zda tutilgan: agar Braziliya terma jamoasi 2026 yilgi jahon chempionatida g'alaba qozonsa, murabbiyga besh million evro miqdorida bonus to'lashga tayyor.