"Chelsi" Sterling bo'yicha qaror qabul qildi

 13 DEKABR, 2025, 15:06

Londonning "Chelsi" klubi qishki transferlar davrida hujumkor yarim himoyachi Rahim Sterling bilan xayrlashmoqchi. Bu haqda Caught Offside jurnalistlari xabar bermoqda.

31 yoshli futbolchining faoliyatini davom ettirish variantlari orasida ikkita klub tilga olinmoqda - bular "Lids" va "Kristal Pelas." Agar Sterlingni hech kim sotib olmasa, "nafaqaxo'rlar" futbolchi bilan mehnat shartnomasini muddatidan oldin bekor qilishlari mumkin.

Rahimning londonliklar bilan mehnat shartnomasi 2027 yilning yozida yakuniga etadi. Yarim himoyachining bozor narxi besh million evroga baholanmoqda.

Sterling joriy mavsum "Chelsi" safida birorta ham o'yinda maydonga tushmadi.