Mbappening navbatdagi o'yin oldidan holati bo'yicha yangi ma'lumotlar chiqdi

 13 DEKABR, 2025, 14:06

Ispaniya La Ligasi doirasida "Alaves"ga qarshi o'yin arafasida Kilian Mbappe jamoa mashg'ulotlarida ishtirok etmadi. Eduardo Kamavinga ham mashg'ulotni o'tkazib yubordi.

Manbalarning ta'kidlashicha, Mbappening tizzasida og'riq saqlanib qolmoqda. Bundan tashqari, Antonio Ryudiger chap oyog'idagi noqulaylik tufayli va Federiko Valverde o'ng oyog'i mushaklarining haddan tashqari zo'riqishi tufayli mashg'ulotlarni o'tkazib yubordi. Shu bilan birga, "Real" Valverdening tiklanib, maydonga tushishiga umid qilmoqda.

Bir kun avval jarohatlar va diskvalifikatsiyalar tufayli "Alaves"ga qarshi o'yinlarda "Real"ning 12 nafargacha futbolchisi maydonga tushmasligi mumkinligi ma'lum bo'lgandi. Uchrashuv 14 dekabr, yakshanba kuni bo'lib o'tadi.