A Seriyada oy futbolchisi ma'lum qilindi

 13 DEKABR, 2025, 13:00

Frantsiyalik darvozabon Mayk Menyan A Seriyada noyabr oyining eng yaxshi futbolchisi deb topildi. U o'zining asosiy qahramonligini 23 noyabr kuni bo'lib o'tgan "Milan" va "Inter" derbisida ko'rsatdi - o'shanda Menyan Xoqon Chalxano'g'lining penaltidan tepgan to'pini qaytarib, jamoasining g'alabasini saqlab qolgandi.

Natijada hozirda Massimiliano Allegri qo'l ostidagi "Milan" Italiya chempionati turnir jadvalida peshqadamlik qilmoqda.

Eslatib o'tamiz, Mayk Menyan Frantsiyaning "Lill" klubidan "Milan"ga o'tgan 2021 yildan buyon A Seriyada harakat qilib kelmoqda. Italiyadagi birinchi mavsumidayoq u Skudetto sohibiga aylangandi.