Mashhur klub Ryudigerni qo'lga kiritmoqchi

 13 DEKABR, 2025, 12:18

Germaniya terma jamoasi va "Real" himoyachisi Antonio Ryudiger klubini o'zgartirishi mumkin. Bu haqda AS jurnalistlari xabar bermoqda.

Manbaga ma'lum bo'lishicha, yulduz futbolchini Istanbulning "Galatasaroy" klubi o'z safiga qo'shib olmoqchi. Turkiya grandi rahbariyati Ryudigerni qishki transferlar davrida o'z safiga qo'shib olishga urinib ko'radi. Antonioning o'zi muzokaralar olib borishga tayyor.

32 yoshli germaniyalik futbolchi "qirollik klubi" bilan 2025/2026 yilgi mavsum yakuniga qadar shartnoma majburiyatlari bo'yicha bog'langan. Tajribali himoyachining bozor narxi 12 million evroni tashkil etadi.

Antonio joriy mavsum "qaymoqranglilar" safida bor yo'g'i 3 ta o'yinda maydonga tushdi.