Arteta shogirdlariga bayram ta'tilini bermoqchi emas

 12 DEKABR, 2025, 20:30

"Arsenal" bosh murabbiyi Mikel Arteta 25 dekabr kuni mashg'ulotlarni rejalashtirdi, bu kun G'arb mamlakatlari, jumladan, Angliya Rojdestvoni nishonlaydi.

Bu yil "Arsenal" "Boksing Dey"da (26 dekabr) o'yin o'tkazmaydi, ammo Arteta jamoaga Rojdestvo ta'tilini bermaslikka qaror qildi, deb xabar beradi Goal.

"Arsenal"ning 2025 yil oxirigacha bo'lgan raqiblari quyidagilar: "Vulverxempton Uonderers" (13 dekabr, uyda), "Everton" (20 dekabr, safarda), "Kristal Pelas" (23 dekabr, uyda), "Brayton" (27 dekabr, uyda) va "Aston Villa" (30 dekabr, uyda).