"Real" Vinisiusga yangi shartnoma bo'yicha ultimatum qo'ydi

 12 DEKABR, 2025, 14:42

Madridning "Real" klubi rahbariyati qanot hujumchisi Vinisius Juniorning vakiliga yangi shartnoma shartlarini endi yaxshilamasligini ma'lum qildi.

Braziliyalik avvalroq unga taklif qilingan shartnomani imzolaydi yoki 2026 yilning yozida sotuvga qo'yiladi. Bu haqda Madrid Zone X ijtimoiy tarmog'ida Le Journal du Real onlayn nashri ma'lumotlariga tayanib xabar berdi.

Vinisiusning "Real" bilan amaldagi shartnomasi 2027 yilning iyun oyi oxirigacha mo'ljallangan. Joriy mavsumda braziliyalik hujumchi klub miqyosida 28 ta o'yinda maydonga tushib, 6 ta gol urdi va 8 ta golli uzatmani amalga oshirdi.

Transfermarkt internet portali Vinisiusning bozor narxini 150 mln evroga baholamoqda.