"Tottenxem" Semeno uchun kurashni davom ettirmoqda

 12 DEKABR, 2025, 13:36

Londonning "Tottenxem" klubi "Bornmut" vingeri Antonio Semeno uchun kurashda chekinmoqchi emas.

Avvalroq, Semeno "Tottenxem"dan ko'ra "Arsenal"ga o'tishni afzal ko'rayotgani haqida xabarlar tarqalgan edi.

Biroq, jurnalist Sami Mokbelning ta'kidlashicha, "shporlar" 25 yoshli futbolchiga moliyaviy jihatdan eng foydali taklifni berishga tayyor. Ta'kidlanishicha, Semenoning 74 million evrolik tovon puli "Tottenxem" uchun muammo bo'lmaydi. Bo'lajak transferlar oynasi uchun poytaxt klubi katta mablag' ajratishi kutilmoqda.

Semeno joriy mavsum Angliya Premer-ligasida 14 ta o'yinda maydonga tushib, 6 ta gol bilan raqiblarini ranjitdi va 3 ta golli uzatmaga mualliflik qildi.