"Manchester Siti" darvozaboniga yangi da'vogar paydo bo'ldi

 11 DEKABR, 2025, 22:54

"Manchester Siti"ning germaniyalik posboni Shtefan Ortega jamoasini o'zgartirishi mumkin. Bu haqda Football Insider yozmoqda.

Qayd etilishicha, futbolchi "Seltik" e'tiboriga tushgan. Orteganing "Man Siti" bilan mehnat shartnomasi 2026 yilning yozigacha amal qiladi. Transfermarkt portali darvozabonning narxini 6 mln evroga baholamoqda.

Umuman olganda, Shtefan Ortega "Manchester Siti" safida 56 ta o'yin o'tkazgan. Ularda darvozabon 51 ta to'p o'tkazib yubordi va 25 ta "quruq" o'yin qayd etdi.