Buyo: "Ramos "Real"ga qaytmaydi"

 11 DEKABR, 2025, 16:48

Madridning "Real" klubi sobiq darvozaboni Fransisko Buyoning fikricha, ispaniyalik himoyachi Serxio Ramos "qaymoqranglilar" safiga qaytmaydi.

"Ha, Ramos Jaxon chempionati oldidan o'yin amaliyotiga ega bo'lishni istayotgani haqida eshitdim. U "Real"ga qaytishi mumkinmi? Yo'q, bu imkonsiz, hech bo'lmaganda futbolchi sifatida", - dedi Buyo.

Ramos 2005-2021 yillarda "Real" sharafini himoya qilgan. Ayni paytda 39 yoshli himoyachi yangi klub izlamoqda, chunki u yaqinda Meksikaning "Monterrey" klubi safida so'nggi o'yinini o'tkazdi. Mish-mishlarga ishonadigan bo'lsak, Ramos Evropaga qaytmoqchi.