Bellingem "Man Siti" futbolchisiga hurmatsizlik qildi

 11 DEKABR, 2025, 12:48

"Real" futbolchisi Jud Bellingem yana hammaning og'ziga tushdi. Ingliz mediasining yozishicha, Angliya terma jamaosi a'zosi "Manchester Siti"ga qarshi uy o'yinidagi mag'lubiyatdan so'ng, raqib hujumchisi Rayan Sherkining qo'lini siqib qo'yishdan bosh tortgan.

Buni final hushtagidan keyingi lavhalar ko'rsatmoqda. Xabi Alonsoning "Real"i so'nggi 8ta bahsdan faqat 2tasida g'alaba qozongan xolos. Bu esa murabbiyga bosim yuklaydi. Ma'lumot uchun, "Real Madrid" navbatdagi bahsni La ligada "Alaves"ga qarshi, mehmonda o'tkazadi.