"Real" hujumida juda katta muammolar mavjud. Kecha 22 yillik antirekord yangilandi

 11 DEKABR, 2025, 12:06

Madridning "Real" klubi Chempionlar Ligasi doirasida o'z maydonida "Manchester Siti"ga imkoniyatni boy berib qo'ydi - 1:2.

"Qaymoqranglilar" darvozaga 16 ta zarba yo'lladi, ammo ulardan atigi 1 tasi mo'ljalga aniq etib bordi.

Mehmonlar ancha samarali harakat qilishdi va 12 ta holatdan sakkiztasida aniq zarba berishdi. The Touchline nashrining qayd etishicha, bu "Real" 2003/04 yilgi mavsumdan buyon qayd etgan eng past ko'rsatkich.

Madrid grandi safida yagona golga 28-daqiqada Rodrigo mualliflik qildi. "Shaharliklar" safida Niko O'Rayli 35 va Erling Xoland 43-daqiqalarda gol urdi.

So'nggi sakkiz o'yinda "Real" atigi ikki marta g'alaba qozonib, uch marta mag'lubiyatga uchragan, yana uch marta durang qayd etilgan.