Xoland: "Bu 100 foiz penalti edi"

 11 DEKABR, 2025, 08:54

"Manchester Siti" hujumchisi Erling Xoland "Real" himoyachilariga qarshi o'yini haqida gapirdi.

"Shaharliklar"ning etakchi hujumchisi 43-daqiqada penaltidan gol urib, jamoasiga g'alaba keltirdi. Uchrashuv 2:1 hisobida yakunlandi.

"O'yin boshlanishi bilanoq Asensio meni turtkilay boshladi va turli yo'llar bilan janjal chiqara boshladi. Men bunga aslo qarshi emasman! Bu menga yoqadi. Ryudiger bilan duelga kelsak, bugun u biroz oshirib yubordi. U meni penalti paytida ushlab oldi - bu yaqqol qoidabuzarlik bo'ldi, deb hisoblayman," - deya Xolandning so'zlarini keltiradi The Touchline.