Rodrigo faoliyati davomida "Manchester Siti"ga boshqa har qanday jamoadan ko'ra ko'proq gol urgan

 11 DEKABR, 2025, 08:48

Madridning "Real" klubi hujumchisi Rodrigo "Manchester Siti"ga qarshi o'yinda yana gol urdi. Kecha bo'lib o'tgan Chempionlar ligasi bahsida braziliyalik futbolchi 28-daqiqada Janluiji Donnarumma darvozasini ishg'ol etib, hisobni ochdi. Bu 24 yoshli futbolchining faoliyati davomida "shaharliklar" darvozasiga kiritgan beshinchi goli bo'ldi - bu boshqa har qanday raqibdan ko'proq. Hujumchining "sevimli" raqiblari ro'yxatida ikkinchi o'rinni "Sevilya" egallab turibdi - to'rtta gol.

E'tiborlisi, "Manchester Siti"ga qarshi o'yinga qadar Rodrigo "qaymoqranglilar" safida barcha musobaqalarda ketma-ket 32ta o'yinda gol ura olmagan - bu hujumkor futbolchilar orasida klub antirekordidir.