Kapello "Liverpul"ni "PSJ"ga qiyosladi
10 DEKABR, 2025, 17:00
Rossiya terma jamoasi bosh murabbiyi lavozimida ishlagan italiyalik mashhur mutaxassis Fabio Kapello Evropa Chempionlar Ligasi 6-turi doirasida "Liverpul"ning Milanning "Inter" klubi ustidan qozongan g'alabasi haqida fikr bildirdi.
"Bu mavsumda "Liverpul"ning bunday o'yinini ko'rmaganman. "Qizillar" menga "PSJ"ni eslatdi. Shu bilan birga, mag'lubiyatga qaramay, "Inter"ning o'yini menga yoqdi," - deya Kapelloning so'zlarini keltiradi Sky Sport Italia.
Eslatib o'tamiz, Arne Slot shogirdlari "neradzurrilar" ustidan minimal hisobda g'alaba qozonishdi - 1:0. 11 metrlik nuqtadan kiritilgan yagona to'pni yarim himoyachi Dominik Soboslai kiritdi.
