"Real"ning yana bir yulduzi ham "Manchester Siti"ga qarshi o'ynamasligi aniq bo'ldi

 9 DEKABR, 2025, 18:12

Madridning "Real" klubi markaziy yarim himoyachisi Eduardo Kamavinga "Atletik" bilan o'yinda to'pig'idan olgan jarohatidan hamon aziyat chekmoqda.

23 yoshli frantsuz bugungi "Manchester Siti"ga qarshi ertangi o'yindan oldingi so'nggi rasmiy mashg'ulotlarni o'tkazib yubordi. Fabris Xokinsning ma'lum qilishicha, Kamavinganing "shaharliklar"ga qarshi o'yinda ishtirok etishi deyarli ilojsiz masala.

Avvalroq, Mbappe ham chap oyog'i mushaklaridagi muammolar sabab ertangi o'yinni o'tkazib yuborishi aytilgan edi.