"Real" Militaoning jarohatini tasdiqladi

 8 DEKABR, 2025, 18:30

Madridning "Real" klubi matbuot xizmati Chempionlar ligasi umumiy bosqichining 6-turidan o'rin olgan "Manchester Siti"ga qarshi o'yin oldidan jamoa himoyachisi Eder Militao jarohat olganini ma'lum qildi.

"Futbolchimiz Eder Militao Madridning "Real" klubi tibbiy xizmati tomonidan tekshiruvdan o'tkazilgach, unga chap oyoq sonining ikki boshli mushagi yorilishi va proksimal payining shikastlanishi tashxisi qo'yildi. Uning tiklanishi nazorat ostida bo'ladi", - deyiladi "Real" rasmiy saytidagi matbuot xizmati xabarida.

Joriy mavsumda futbolchi klub safida barcha musobaqalarda 16 ta o'yinda maydonga tushib, 1 ta gol urdi va 1 ta golli uzatmani amalga oshirdi.