"Liverpul" xo'jayinlarining Slotga nisbatan pozitsiyasi ma'lum bo'ldi

 8 DEKABR, 2025, 16:00

"Liverpul"ga egalik qiluvchi Fenway Sports Group kompaniyasi "qizillar" bosh murabbiyi Arne Slotga yaqinda jamoa vingeri Muhammad Saloh bilan bog'liq mojaro va mersisaydliklarning muvaffaqiyatsiz natijalariga qaramay, to'liq ishonishda davom etmoqda. Bu haqda The Athletic onlayn nashri xabar bermoqda.

Slot 2024 yilning yozida "Liverpul"ni qabul qilib oldi. Uning qo'l ostida "qizillar" 2024/2025 yilgi mavsumda Angliya chempionligini qo'lga kiritdi. Ma'lumot uchun, mersisaydliklar 15 o'yin natijasiga ko'ra 23 ochko jamg'arib, APL turnir jadvalida to'qqizinchi o'rinda bormoqda.

9 dekabr, seshanba kuni "qizillar" UEFA Chempionlar ligasi 6-turidan o'rin olgan "Inter"ga qarshi bahs olib boradi.