Guti Mbappe va Yamalga Ronaldu va Messiga yaqinlashish uchun nima kerakligini aytdi

 8 DEKABR, 2025, 14:36

Madridning "Real" klubining mashhur sobiq futbolchisi Guti Krishtianu Ronaldu va Lionel Messining buyukligi haqida gapirdi.

"O'nta yaxshi o'yin o'tkazish mumkin, lekin eng muhim pallada yo'qolib qolsang, bu hech narsani anglatmaydi. Bu Ronaldu va Messi haqida emas - ular har doim muvaffaqiyatga erishgan. Mbappe, Yamal va bu ikki futbolchiga yaqinlashmoqchi bo'lgan boshqalarga aynan shu narsa kerak", - dedi ispaniyalik sobiq yarimhimoyachi intervyuda.

Krishtianu Ronaldu ayni damda Saudiya Arabistonining "An-Nasr" klubida, Lionel Messi esa AQShning "Inter Mayami" klubida to'p tepmoqda.