"Selta" futbolchisi Suaresning "Real" bilan o'yinlardagi natijasini takrorladi

 8 DEKABR, 2025, 08:12

"Selta" futbolchisi Villiot Svedberg Madridning "Real" klubiga qarshi o'yinda gol urdi.

21 yoshli hujumchi bahsning 53-daqiqasida raqib darvozasini ishg'ol qildi o'yin yakunida esa dublni rasmiylashtirdi. Shved Luis Suaresdan keyin "qaymoqranglilar"ni ketma-ket uchta La Liga o'yinida ranjitgan birinchi xorijlik futbolchi bo'ldi. O'sha paytda "Barselona" sharafini himoya qilgan urugvaylik yulduz 2018 yilda xuddi shunday seriya qayd etgandi.

E'tiborlisi, Villiot Svedberg ikkinchi bo'lim boshlanishi arafasidagina maydonga tushgandi.