Luis Suares qo'lga kiritgan sovrinlar soni yana bittaga oshdi

 7 DEKABR, 2025, 13:18

"Inter Mayami"ning urugvaylik hujumchisi Luis Suares faoliyatidagi 23-sovrinini qo'lga kiritdi. 2025 yilgi MLS kubogi so'nggi o'yinida uning jamoasi "Vankuver Uaytkeps"ni 3:1 hisobida mag'lub etdi.

Bungacha Suares "Atletiko", "Barselona", "Liverpul", "Ayaks", "Nasonal" va "Gremio" kabi jamoalar safida sovrinli o'rinlarni qo'lga kiritgan. Shuningdek, uning hisobida Urugvay terma jamoasi safida ham sovrin bor.

Suares "Inter Mayami" safida 2024 yildan buyon to'p surib kelmoqda. Hujumchining klub bilan shartnomasi 2025 yilgacha mo'ljallangan.

Joriy mavsumda u barcha musobaqalarda 42 ta o'yinda maydonga tushib, 14 ta gol urdi va 15 ta golli uzatmani amalga oshirdi.