Isak "Nyukasl"dan "Liverpul"ga mojaroli o'tish haqida gapirdi

 6 DEKABR, 2025, 09:36

"Liverpul" hujumchisi Aleksandr Isak o'zining shov-shuvli transferi haqida gapirdi.

"Qizillar" yozgi transferlar oynasining so'nggi soatlarida shvetsiyalik futbolchini "Nyukasl"dan rekord darajadagi 145 mln evroga sotib oldi. Bungacha hujumchi klubni "Liverpul" taklifini qabul qilishga ko'ndirish uchun mashg'ulotlarini boykot qilgandi. Futbolchi o'z maqsadiga erishdi, ammo transferdan keyingi dastlabki oylar yaxshi o'tmadi.

"Men yozda nima bo'lganini unchalik o'ylamayman. Bu allaqachon o'tmishda qoldi - men hozirgi kunga e'tibor qarataman va faqat vaziyatni yaxshilash haqida qayg'uraman", - dedi Isak Sky’ga bergan intervyusida.

Yangi o'yinchi Arne Slot jamoasi safida 12 ta o'yinda maydonga tushib, 2 ta gol va 1 ta golli uzatmani amalga oshirdi.