"Barselona" sport direktori Deku Xulian Alvares haqidagi savolga javob berdi
6 DEKABR, 2025, 08:12
"Barselona" sport direktori lavozimida ishlab kelayotgan Deku Madridning "Atletiko" klubi hujumchisi Xulian Alvares haqida fikr bildirdi.
Argentinalik futbolchi kataloniyalik grandning 2026 yil yozidagi asosiy transfer maqsadlaridan biri hisoblanadi.
"Men boshqa futbolchilar kabi Xulian Alvares haqida gapirmayman. U boshqa jamoada o'ynaydi. Begona futbolchilar haqida gapirganimizda, ularning klublari bizdan g'azablanadi", - deya Dekuning so'zlarini keltiradi Barca Universal.
"Barselona" uchun hujumchining katta narxi muammo bo'lishi mumkin. Transfermarkt portali "matraschilar" yulduzining narxini 100 million evroga baholamoqda, ammo madridliklar 2030 yilgacha amal qiladigan shartnomani hisobga olgan holda undan ham ko'proq so'rashi mumkin.
