Kilian Mbappe joriy mavsum 3 bor "Real"da oyning eng yaxshi futbolchisi deb topildi

 5 DEKABR, 2025, 22:00

Hujumchi Kilian Mbappe yana bir bor "Real"ning oy yakunlari bo'yicha eng yaxshi futbolchisi bo'ldi.

Frantsiya terma jamoasining 26 yoshli forvardi muxlislar tomonidan noyabr oyining sovrindoriga berilgan ovozlarda Tibo Kurtua, Eder Militao, Vinisius Junior va oktyabr oyining eng yaxshi deb topilgan Arda Gyulerni ortda qoldirdi.

O'tgan oyda Mbappe "Real" safida 6 ta o'yinda maydonga tushib, 7 ta gol urdi va 1 ta golli uzatmani amalga oshirdi. Frantsuz Chempionlar ligasida "Olimpiakos"ga qarshi o'yinda poker qayd etdi (4:3).

Eslatib o'tamiz, Kilian avgust va sentyabr oylari yakunlariga ko'ra "Madrid"ning eng yaxshi futbolchisi sovrinini qo'lga kiritgan edi.