Flik: "Bu La Liganing eng yaxshi jamoalaridan biri"

 5 DEKABR, 2025, 18:48

"Barselona" bosh murabbiyi Xans-Diter Flik jamoasining eng yaqin raqibini baholadi. Shanba kuni "ko'k-anorranglilar" safarda "Betis"ga qarshi bahs olib boradi.

"Bu La Liganing eng yaxshi jamoalaridan biri, fantastik jamoa. Ularda individual mahorat juda ko'p. Biz kimligimizni ko'rsatishga majburmiz. "Atletiko" ustidan qozonilgan g'alaba bizga ijobiy kayfiyat berdi. Bu ajoyib g'alaba edi. Biz o'zimizga ishonch hosil qildik", - dedi Flik matbuot anjumanida.

"Betis" va "Barselona" uchrashuvi 6 dekabr kuni Toshkent vaqti bilan soat 22:30da boshlanadi.