"Dinamo" etakchilaridan biri Turkiyada operatsiya qilinadi

 5 DEKABR, 2025, 16:42

«Dinamo» safida bu yilgi o'yinlari orqali Superliga kashfiyotlaridan biriga aylangan Oybek O'rmonjonov mavsum yakunida jarohat olgandi.

19 yoshli yarim himoyachi «Nasaf»ga qarshi o'yin oldidan mashg'ulotda jarohat olgandi. Tibbiy tekshiruvlardan so'ng, futbolchining chap tizza oldingi xochsimon boylamining yirtilishi aniqlangan.

Klub shifokorlar bo'limining ma'lum qilishicha, Oybek O'rmonjonov tizzasidan jarrohlik amaliyotini o'tkazadi. Operatsiya yaqin kunlarda Turkiyaning Istanbul shahrida o'tkaziladi. Tiklanish jarayoni bir necha oyni tashkil qiladi.