"Roma" braziliyalik hujumchi bilan muzokaralarga kirishdi

 4 DEKABR, 2025, 19:00

Italiyaning "Roma" klubi "Korintians" hujumchisi Yuri Alberto agentlari bilan muzokaralarga kirishdi. Bu haqda Corriere dello Sport nashri xabar bermoqda.

Manbaga ko'ra, rimliklar "Manchester Yunayted" Joshua Zirkzeening ijarasi bo'yicha taklifni rad etganidan keyin hujum chizig'ini shu tariqa kuchaytirmoqchi.

"Korintians" 24 yoshli markaziy hujumchining narxini 20-25 million evroga baholamoqda. "Jallorossi" noyabr oyi oxirida futbolchining agentlari bilan uchrashgandi.

Yuri Alberto joriy mavsum Braziliya chempionatida 26 ta o'yinda maydonga tushib, 10 ta gol urdi va 2 ta golli uzatmani amalga oshirdi.