TEAMtalk: Rodrigoga 6 klub da'vogarlik qilmoqda

 4 DEKABR, 2025, 18:54

APLning birdaniga oltita top klubi "Real" vingeri Rodrigoni o'z safiga qo'shib olmoqchi. Bu haqda TEAMtalk yozmoqda.

Braziliyalik futbolchining transferini "Arsenal", "Liverpul", "Manchester Siti", "Manchester Yunayted", "Chelsi" va "Tottenxem" klublari ko'rib chiqmoqda. Rodrigo Braziliya terma jamoasining jahon chempionati qaydnomasiga kirish umidida ko'proq o'yin amaliyotiga ega bo'lishni maqsad qilgan.

Premer-liganing barcha klublari uning holatini kuzatib bormoqda. Ammo "qaymoqranglilar" Rodrigo ularning rejasida borligini ta'kidlamoqda, shuning uchun transferni qishda amalga oshirish qiyin bo'ladi. "Real" vinger uchun kamida 80 mln evro olmoqchi.