Kompani Gvardiolaning o'rinbosari bo'lishga tayyormi?
4 DEKABR, 2025, 14:12
Myunxenning "Bavariya" klubi bosh murabbiyi Vensan Kompani kelajakda "Manchester Siti"da ishlashi mumkinligi haqidagi ma'lumotlarga munosabat bildirdi. OAVda aynan Kompani Xosep Gvardiolaning o'rinbosari bo'lishi mumkinligi haqida mish-mishlar tarqalmoqda.
"Futbolda hech qachon uzoqni o'ylamaslik kerak. Hozir 100 foiz e'tiborimni "Bavariya"ga qaratganman. Men shunchaki hozirgi kun bilan yashashni istayman. Boshqa narsalar haqida fikrim yo'q," - deya Kompani so'zlarini keltiradi jurnalist Fabritsio Romano.
Kompani "Bavariya"ni 2024 yilning yozida qabul qilib olgandi. Ayni vaqtda jamoa 12 turda 34 ochko to'plagan holda Bundesligada peshqadamlik qilmoqda.
