APL. «Chelsi» safarda «Lids Yunayted»ga yutqazdi (videosharh)

 4 DEKABR, 2025, 09:34

Angliya chempionatining 14-turidan o'rin olgan uchrashuvda «Lids Yunayted» o'z maydonida «Chelsi»ni 3:1 hisobida mag'lub etdi. «Elland Roud»da bo'lib o'tgan bellashuvda mezbonlar o'yin boshidanoq ustunlikni qo'lga kiritdi.

6-daqiqayoq Yaka Biyol zarbasi mezbonlarga hisobdagi ustunlikni taqdim etdi. Birinchi taymning yakuniga yaqin Ao Tanaka hisobdagi farqni oshirdi  2:0. Ikkinchi bo'lim boshlarida Pedru Netu bir gol bilan javob qaytardi, ammo «Lids» 72-daqiqa Dominik Kalvert-Lyuin tomonidan urilgan gol orqali farqni yana ikkitaga oshirdi.

Bu natijadan keyin «Lids Yunayted» 14 ochko bilan 17-o'rinda qolmoqda. «Chelsi» esa 24 ochko bilan 4-o'rinda joylashgan.

Keyingi turda «Lids» 6 dekabr kuni o'z maydonida «Liverpul»ni qabul qiladi. «Ko'klar» esa shu sanada safarda «Bornmut» bilan bahs olib boradi.

Angliya — Premer-liga, 14-tur
3 dekabr 2025 yil, chorshanba. Lids. «Elland Roud» stadioni.
Lids Yunayted — Chelsi — 3:1
Gollar: 1:0 — Biyol, 6', 2:0 — Tanaka, 43', 2:1 — Netu, 50', 3:1 — Kalvert-Lyuin, 72'

Manba: stadion.uz