16 yoshli futbolchi Bellingemning rekordini yangiladi

 3 DEKABR, 2025, 14:48

Futbol bo'yicha Germaniya kubogida yangi mutlaq rekord o'rnatildi.

Turnirning 1/8 finalidan o'rin olgan "Gerta" - "Kayzerslautern" (6:1) o'yinida gollardan birini Berlin jamoasining 16 yoshli yarim himoyachisi Kennet Ayxgorn kiritdi.

16 yosh-u 128 kunlik Ayxgorn Ikkinchi jahon urushidan keyin Germaniya kubogida gol urgan eng yosh futbolchi bo'ldi va Jud Bellingemning rekordini (17 yosh-u 77 kun) yangiladi.