Ronaldu va Benzema Globe Soccer Awards tomonidan Yaqin Sharqning eng yaxshi futbolchisi sovriniga nomzod bo'ldi

 3 DEKABR, 2025, 14:18

Globe Soccer Awards talqiniga ko'ra, Yaqin Sharqda 2025 yilning eng yaxshi futbolchisi bo'lish uchun nomzodlar nomi ma'lum bo'ldi. Yakuniy ro'yxatga to'rt nafar o'yinchi kiritildi.

Unga ko'ra, Krishtianu Ronaldu ("An-Nasr"), Karim Benzema ("Al-Ittihod"), Riyod Mahrez ("Al-Ahli") va Salem Al-Davsari ("Al-Hilol") sovrin uchun kurash olib boradi.

O'tgan yili Krishtianu Ronaldu Yaqin Sharqning eng yaxshi futbolchisi deb topilgandi.

Globe Soccer Awards - har yili o'tkaziladigan taqdirlash marosimi bo'lib, unda futbol muhitida eng katta yutuqlarga erishgan odamlar aniqlanadi. Turli nominatsiyalar bo'yicha g'oliblar ovoz berish yo'li bilan aniqlanadi.