Gvardiola "Manchester Siti"ning navbatdagi raqibidan hayratda

 3 DEKABR, 2025, 11:12

"Manchester Siti" bosh murabbiyi Xosep Gvardiola "Sanderlend"ning kuchiga baho berdi. Jamoalar o'rtasidagi uchrashuv shanba kuni Angliya premer-ligasining navbatdagi turi doirasida bo'lib o'tadi.

"Biz "Sanderlend"ga e'tibor qaratishimiz kerak. "Fulxem"ga qarshi o'yinni ko'rdim... Yo rabbiy! Bu jamoa nima uchun jadvalda bunchalik yuqori o'rinni egallab turganini endi tushundim. Ular aql bovar qilmaydigan darajada o'ynashadi. Top-daraja", - deya Gvardiolaning so'zlarini keltiradi The Touchline.

Bugun "Sanderlend" safarda "Liverpul" bilan bahs olib boradi. Rejis le Bris jamoasi APL jadvalida oltinchi o'rinni egallab turibdi.