Kroos: "Vinisius - top o'yinchi va ajoyib inson"

 2 DEKABR, 2025, 18:30

Madridning "Real" klubi sobiq yarim himoyachisi Toni Kroos "qaymoqranglilar" hujumchisi Vinisius Junior haqida fikr bildirdi.

"Uning rivojlanishini tomosha qilish juda ajoyib edi. Ha, u yana nimanidir yaxshilashi mumkin, ammo raqiblar va muxlislarning bosimini ham inobatga olish kerak. O'yinchi sifatida u top, inson sifatida esa ajoyib. U bilan maydonda va uning tashqarisida birga bo'lish juda yoqimli edi," - deya Kroosning so'zlarini keltiradi Madrid Zone.

Joriy mavsumda 25 yoshli braziliyalik futbolchi barcha musobaqalarda 19ta o'yinda maydonga tushib, beshta gol urdi va ettita assistni o'z hisobiga yozdirib qo'ydi.