Gvardiola: "U butun faoliyatini"Manchester Siti"da o'tkazishiga umid qilaman"

 2 DEKABR, 2025, 13:30

"Manchester Siti" bosh murabbiyi Xosep Gvardiola jamoasi hujumkor yarim himoyasi Filip Foden haqida fikr bildirdi.

"Umid qilamanki, u butun faoliyati davomida klubda qoladi. U o'ziga xos futbolchi, akademiya davridan beri "Manchester Siti" muxlisi, bunga shubha yo'q. Sardorlik bog'ichiga kelsak, agar u sardor bo'lishni istasa, ha. Maydonda u har doim etakchi. U kiyinish xonasida ko'p gapiradiganlardan emas, lekin maydonda hech qachon ikkinchi darajali bo'lib qolmaydi. U har doim birinchi kundanoq mas'uliyatni o'z zimmasiga olgan, maydonda ajoyib xarizmaga ega," - deya Gvardiolaning so'zlarini keltiradi klub rasmiy sayti.

Joriy mavsumda futbolchi klub safida barcha musobaqalarda 17 ta o'yinda maydonga tushib, 6 ta gol urdi va 3 ta golli uzatmani amalga oshirdi.